આ સીઝનની પહેલી મેચ રમી રહેલો પંજાબનો ઓલરાઉન્ડર ઋષિ ધવન ફેસ માસ્કના કારણે ચર્ચાનું કેન્દ્ર બની ગયો હતો. તેણે આ મેચમાં પારદર્શક ફેસ શિલ્ડ પહેર્યું હતું, જેમાં બ્લેક સ્ટ્રિપ જોવા મળતી હતી. ફિલ્ડિંગ ટીમ જ્યારે મેદાનમાં ઊતરી ત્યારે દર્શકો પણ તેને જોતા રહી ગયા હતા. ઋષિ IPLની આ સિઝન પહેલા રણજી ટ્રોફી રમી રહ્યો હતો. ત્યારે સેકન્ડ રાઉન્ડની ગેમ દરમિયાન તેને ચહેરા પર બોલ વાગતા ગંભીર ઈજા પહોંચી હતી. એટલું જ નહીં ઋષિને હોસ્પિટલમાં સારવાર હેઠળ પણ ખસેડાયો હતો. જ્યાં તેના સ્કેન થયા અને આ કારણોસર ઋષિ પંજાબ માટે પહેલાની શરૂઆતી કેટલીક મેચ પણ રમી શક્યો નહોતો.
ઋષિ ધવનની આ દરમિયાન નાકની સર્જરી થઈ હતી. મીડિયા રિપોર્ટ્સ પ્રમાણે જેના કારણે ડોકટરે ફેસ શિલ્ડ પહેરીને જ તેને મેદાનમાં પ્રવેશવાની અનુમતિ આપી હતી. આ અંગે તેને પંજાબ કિંગ્સ તરફથી ફેન્સને ખાસ સંદેશો પણ આપ્યો હતો. ઋષિ ધવને છેલ્લી મેચ 2016 મે મહિનામાં રમી હતી, ત્યાર પછી જોવા જઈએ તો લગભગ 6 વર્ષ પછી તે કમબેક કરી રહ્યો છે. તે અત્યારે ડોમેસ્ટિક ક્રિકેટમાં શાનદાર ફોર્મમાં છે. તેવામાં પંજાબે આ સીઝનમાં તેની સામે વિશ્વાસ રાખી ટીમમાં પસંદ કર્યો છે.