ડાયાબિટીસની સારવાર શોધવામાં કાર્યરત વૈજ્ઞાનિકોને મોટી સફળતા મળી છે. તેમણે અલ્ટ્રાસાઉન્ડની મદદથી ટાઈપ-2 ડાયાબિટીસને કાબૂ કરી લીધુ છે. સૌથી મોટી વાત એ છે કે આ સારવારમાં ના તો દવાઓની જરૂર પડી અને ના ઈન્જેક્શનની. આ દરમિયાન એક ખાસ સ્થળ પર લિવરમાં અલ્ટ્રાસાઉન્ડ કિરણ છોડવામાં આવી, જેનાથી શરીરમાં ઈન્સુલિન, ગ્લુકોઝનુ લેવલ ઘણુ ઓછુ થઈ ગયુ. જોકે હજુ આ તકનીક પરીક્ષણના સ્તરે છે. જાનવરોની ત્રણ કેટેગરી પર આના પ્રયોગના ઉત્સાહજનક પરિણામ આવ્યા છે. હવે માણસો પર આના પ્રયોગની તૈયારી ચાલી રહી છે. વૈજ્ઞાનિકોને આશા છે કે જો આ તકનીક સફળ રહી તો આગામી સમયમાં આવા નાના ઉપકરણ બનાવવામાં આવી શકશે, જેનાથી લોકો ઘરે જ ડાયાબિટીઝની સારવાર કરી શકશે.
અમેરિકામાં જીઈ રિસર્ચની એક ટીમે આ પ્રયોગને અંજામ આપ્યો છે. આ ટીમમાં યેલ સ્કુલ ઑફ મેડિસિન અને ફેંસ્ટીન ઈન્સ્ટીટ્યુટ ઓફ મેડીકલ રિસર્ચના વૈજ્ઞાનિક પણ સામેલ છે. આ વિશે જર્નલ નેચર બાયોમેડિકલ એન્જિનિયરીંગમાં લેખ લખીને જાણકારી આપવામાં આવી છે. આ તકનીકને પેરિફેરલ ફોકસ્ડ અલ્ટ્રાસાઉન્ડ સ્ટિમુલેશન નામ આપવામાં આવ્યુ છે. વૈજ્ઞાનિકોની ટીમએ પ્રયોગ દરમિયાન જોયુ કે અલ્ટ્રાસાઉન્ડની કિરણો દ્વારા લિવરની અંદર સંવેદના પેદા કરનારી તંત્રિકાઓને ઉત્તેજિત કરવામાં આવી શકે છે.