અમેરિકાની આ યુવતીએ 19 વર્ષથી તેના વાળ કાપ્યા નથી. યુવતીના વાળ વધીને 4 ફૂટ લાંબા અને ઘૂંટણથી નીચે આવવા લાગ્યા હતા. ત્યારબાદ તેણે તેના વાળ ખૂબ જ ટૂંકા કરાવી દીધા હતા. તેને પોતાની હેરસ્ટાઈલ ચિન લેંથ બોબ જેવી કરાવી હતી. તેણે સોશિયલ મીડિયા પર આ વિશે જણાવ્યું હતું સાથે જ લોકોનો ખૂબ પ્રેમ મળ્યો હતો.
આ 26 વર્ષની યુવતીનું નામ વેનેસા રાસમ્યુસેન છે. તે અમેરિકાના યુટાની રહેવાસી છે. આ યુવતી ટિકટોક સ્ટાર પણ બની ગઈ છે. હકીકતમાં 7 વર્ષની ઉંમરે વેનેસાએ તેના વાળ ટૂંકા કરાવી દીધા હતા પરંતુ તેને પોતાનો લુક પસંદ ન આવ્યો. ત્યારબાદ તેણે નક્કી કર્યું કે તે ક્યારેય તેના વાળ નહીં કપાવે.