ઉત્તર અફઘાનિસ્તાનમાં શુક્રવારની નમાજ દરમિયાન એક મસ્જિદમાં થયેલા વિસ્ફોટમાં 33 લોકોના મોત થયા છે અને 43 લોકો ઘાયલ થયા છે. તાલિબાનના પ્રવક્તાએ આ જાણકારી આપી. આના એક દિવસ પહેલા આતંકવાદી સંગઠન ઈસ્લામિક સ્ટેટે બે અલગ-અલગ જીવલેણ હુમલાની જવાબદારી સ્વીકારી હતી. યુએસ સમર્થિત સરકારને પછાડ્યા પછી ગયા વર્ષે તાલિબાન લડવૈયાઓએ અફઘાનિસ્તાન પર કબજો મેળવ્યો ત્યારથી બોમ્બ ધડાકાની સંખ્યામાં ઘટાડો થયો છે, પરંતુ જેહાદીઓ અને સુન્ની ISએ તે લક્ષ્યોની વિરુદ્ધ હુમલો કરવાનું ચાલુ રાખ્યું છે જેને તેઓ વિધર્મી માને છે.
તાલિબાનના પ્રવક્તા ઝબીહુલ્લા મુજાહિદે ટ્વિટ કર્યું કે ઉત્તરીય પ્રાંત કુન્દુઝમાં એક મસ્જિદમાં થયેલા વિસ્ફોટમાં માર્યા ગયેલા 33 લોકોમાં બાળકો પણ સામેલ છે. અમે આ અપરાધની નિંદા કરીએ છીએ… અને શોકગ્રસ્તો પ્રત્યે અમારી ઊંડી સંવેદના વ્યક્ત કરીએ છીએ.’
IS જેવા જેહાદી સમૂહ સૂફીઓ માટે ઉંડી નફરત ધરાવે છે, જેમને તેઓ વિધર્મી માને છે અને તેમના પર બહુદેવવાદનો આરોપ મૂકે છે – ઇસ્લામમાં સૌથી મોટું પાપ – મૃત સંતોની હિમાયત કરવાનો છે. મસ્જિદની નજીક એક દુકાનના માલિક મોહમ્મદ એસાહે કહ્યું, મસ્જિદનો નજારો ભયાનક હતો. મસ્જિદની અંદરના તમામ પૂજા કરનારા કાં તો ઘાયલ થયા હતા અથવા માર્યા ગયા હતા. મીડિયા અનુસાર, નજીકની જિલ્લા હોસ્પિટલની એક નર્સે ફોન પર જણાવ્યું કે વિસ્ફોટમાં 30થી 40 લોકોના મોત થયા છે.